Грузінская Савецкая Сацыялістычная Рэспубліка

Федэральная рэспубліка
Грузінская Савецкая Сацыялістычная Рэспубліка
საქართველოს საბჭოთა სოციალისტური რესპუბლიკა
Герб Сцяг
Дэвіз: ««პროლეტარებო ყველა ქვეყნისა, შეერთდით!» («Пралетарыі ўсіх краін, яднайцеся!»)»
Гімн: Гімн Грузінскай ССР
<   > 1921 — 1991
Сталіца	Тбілісі
Мова(ы)	Грузінская
Афіцыйная мова	грузінская мова і руская
Грашовая адзінка	Савецкі рубель
Плошча	69.700 км² (1989)
Насельніцтва	5.400.841 чал. (1989)
Форма кіравання	Федэральная савецкая сацыялістычная рэспубліка
Медыяфайлы на Вікісховішчы

Грузінская Саве́цкая Сацыялісты́чная Рэспу́бліка (საქართველოს საბჭოთა სოციალისტური რესპუბლიკა), Грузінская ССР, Грузія — адна з рэспублік Саюза Савецкіх Сацыялістычных Рэспублік.

Гісторыя

Утворана ў 1921 годзе, да 1936 года з'яўлялася часткай Закаўказскай Сацыялістычнай Федэратыўнай Савецкай Рэспублікі і называлася Сацыялістычная Савецкая Рэспубліка Грузія.

У склад Грузінскай ССР уваходзілі:

• Абхазская АССР,
• Аджарская АССР,
• Паўднёва-Асецінская аўтаномная вобласць.

14 лістапада 1990 года Вярхоўны Савет Грузінскай ССР абвясціў аб пераходным перыядзе да аднаўлення незалежнай Грузінскай Дэмакратычнай Рэспублікі і ў сувязі з гэтым перайменаваў рэспубліку ў Рэспубліку Грузія.

31 сакавіка 1991 г. быў праведзены рэферэндум аб аднаўленні дзяржаўнай незалежнасці Грузіі і па яго выніках 9 красавіка 1991 года Вярхоўны Савет Грузіі на чале са Звіядам Гамсахурдзія абвясціў незалежнасць ад СССР. Аднак да распаду СССР Грузія (як і іншыя рэспублікі, за выключэннем прыбалтыйскіх) не прызнавалася міжнароднай супольнасцю як незалежная дзяржава і фармальна працягвала заставацца часткай Савецкага Саюза да 26 снежня 1991 года.

Спасылкі

• На Вікісховішчы ёсць медыяфайлы па тэме Грузінская Савецкая Сацыялістычная Рэспубліка